Libro Rich Dad Poor Dad - Gujarati eBook PDF

18 de octubre de 2013
આ પુસ્તક "ધનવાન બનવા માટે તમારે વધુ આવક મેળવવી જરૂરી છે' તે ભ્રમણાને ખોટી પાડે છે. "તમારું ઘર એ તમારી મિલકત છે' - તે માન્યતાને પડકારે છે. મા-બાપને સમજાવે છે કે નાણાં અંગે તમારાં બાળકોને સમજણ આપવા તમે શાળાની પરંપરાગત પદ્ધતિ પર વિશ્વાસ ન રાખી શકો. મિલકત અને જવાબદારીની ચોખ્ખી સમજણ આપે છે. તમારા બાળકોના આર્થિક ભવિષ્યના ઘડતરનું સાચું માર્ગદર્શન આપશે.

Información

Publicado: 18 de octubre de 2013

Robert T. Kiyosaki

ઇન્ટરનેશનલ બેસ્ટસેલર પુસ્તક `રિચ ડૅડ પુઅર ડૅડ'ના લેખક રૉબર્ટ ટી. કિયોસાકી ન્યુયોર્ક ટાઇમ્સની બેસ્ટસેલર યાદીમાં સ્થાન પામી ચૂકેલા આંતરરાષ્ટ્રીય ખ્યાતિ ધરાવતા લેખક છે. તેમણે એક અભ્યાસુ સંશોધક તરીકે, કુશળ ઉદ્યોગ-સાહસિક તરીકે અને પ્રતિબદ્ધ કેળવણીકાર તરીકે પોતાની બહુમુખી પ્રતિભાનું દર્શન કરાવ્યું છે. ક્યા ક્ષેત્રમાં, કેટલું રોકાણ ક્યારે કરવું તે અંગેનું ઊંડું જ્ઞાન ધરાવતા આ લેખકે નાણાકીય રોકાણ અને આયોજન અંગે વહેવારું માર્ગદર્શન આપતા પુસ્તકો લખીને નોંધપાત્ર નામના મેળવી છે. રૉબર્ટ કિયોસાકી લોકોને ધનવાન બનવાની સચોટ પદ્ધતિ શીખવે છે. તેમણે લોકોને `રિચ ડૅડ પુઅર ડૅડ' પુસ્તકના માધ્યમે એવો નાણામંત્ર શીખવ્યો છે કે તમારે આજીવન નાણાં માટે કામ કરવાને બદલે નાણાં તમારા માટે આજીવન કેવું કામ કરશે - તે શીખવાની જરૂર છે! માત્ર 47 વર્ષની ઉંમરે નિવૃત્તિ લઈ લેનાર રૉબર્ટ કિયોસાકીના પુસ્તકોની 3 કરોડ કરતાં પણ વધુ નકલો વેચાઈ હોય એવાં, વિક્રમજનક પુસ્તકો લખીને માત્ર લેખક તરીકે નહીં, પણ `નાણાંકીય કેળવણીકાર' તરીકે નોંધપાત્ર સ્થાન પ્રાપ્ત કર્યું છે.